حملة صيانة أعمل عربيتك سـكــــــــــــــودا فليشيا بنفسك (تغيير فلتر الهواء) بالصور

السلام عليكم

حملة صيانة أعمل عربيتك بنفسك
(تغيير فلتر الهواء)

http://nileup.com/up/uploads/nilemotors_14178678241.jpg

ان شاء الله هيكون موضوع مفسر و مبسط عن طريقة تغيير او تنظيف فلتر الهواء و انا حبيت ابداء بيه لعدة اسباب
اولا
معانا بعض الزملاء و الاخوة هنا فى القسم لا يفقهون اى شىء عن العربية فا هنبدأ معاهم من الالف
ثا نيا
اول شىء بيتفك عند صيانة الكربرتير او الموتور هو العمة بالكامل فا كدة نبدا بالموضوع ده

ثالثا
هيكون الموضوع شامل العدة و طريقة الفك و التركيب

رابعا
فلتر الهواء بيعتبر العامل الاساسى فى كفاءة الموتور

نسمى
بأسم الله الرحمن الرحيم

الادوات المستخدمة

مفتاح بيبة مقاس 10
وثمنه 5 جنية

http://nileup.com/up/uploads/nilemotors_14178662921.jpg

مفك عادة وسط
و ثمنه 3 جنيه

http://nileup.com/up/uploads/nilemotors_14178662922.jpg

فوطة صفراء
وثمنه 2 جنيه

http://nileup.com/up/uploads/nilemotors_14178662923.jpg

اسبرى تنظيف WD 40 الصغيرة
وثمنه 8 جنية

http://nileup.com/up/uploads/nilemotors_14178662924.jpg

دة بالنسبة للمعدات المطلوبة

بخصوص الخطوات الفك و التركيب

اولا هنفك مسامير الغطاء العمة بمفتاح بيبة مقاس 10
كما موضح بالصورة و عليها الاسهم المشارة الى 4 مسامير

http://nileup.com/up/uploads/nilemotors_14178665061.jpg

ثانيا بالمفك العادة الوسط هنفك الكليبسات الموجودة على غطاء العمة
كما موضح بالصورة و عليها الاسهم المشار اليه

http://nileup.com/up/uploads/nilemotors_14178666481.jpg

ثالثا نرفع الغطاء و هيكون بالشكل دة و اسفله فلتر الهواء

http://nileup.com/up/uploads/nilemotors_14178667851.jpg

رابعا
نكشف على حالة الفلتر
يعنى لو بالشكل دة يبقى لابد من تغيره

http://nileup.com/up/uploads/nilemotors_14178668541.jpg

و الفلتر الدائرى الخاص بالعربية
بيكون ثمنه من 20 الى 25 جنية

http://nileup.com/up/uploads/nilemotors_14178669231.jpg

او فى حالة انو متوسط الاتساخ او اتساخ بسيط فا يفضل تنظيفه بالهواء عند اقرب محطة بنزين او مكان تغيير زيوت او مغسلة او مركز اصلاح الكاوتش

خامسا ننظف العمة من الداخل بالمنظف و الفوطة الصفراء لضمان عدم وجود اتربة
نرش اسبرى على الفوطة ثم نمسح العمة من الداخل ثم غطاء العمة
مع التحذير بعدم نفخ او سقوط اتربة فى فتحات الكربرتير

سادسا فك خرطوم او وصلة تغذية الهواء من العمة و تنظيفها بالغسيل بالماء البارد العادى
عن طريق سحبها من الكليبس المشار عليه بالسهم

http://nileup.com/up/uploads/nilemotors_14178672871.jpg

ثم سحب الوصلة بالكامل لتنظيفها من الاتربة و العفار و الاتساخات
انا عن نفسى مرة بنظفها للقيت ريش جو الوصلة

http://nileup.com/up/uploads/nilemotors_14178673971.jpg

راجع كل حاجة زى ما فكتها
مع الاخذ فى الاعتبار عند تركيب غطاء العمة له اتجاه تركيب و هو موضح على حرف العمة سهم مطبوع على الغطاء

http://nileup.com/up/uploads/nilemotors_14178675581.jpg

نصيحة حاول تعمل شنطة عدة صغيرة فى العربية و تجيب العدة المذكورة هتنفعك تانى و تالت و سعرها ميجيش نص ثمن مصنعية الميكانيكة لو هتروح تغيير عنده الفلتر ما هو شغل بالنسباله

و الحمد لله على كل شىء

منتظرين تجارب الاخوة هنا فى القسم
و منتظرين تقييم الاداء بعد عملة فك و تركيب فلتر الهواء

تحياتى بالتوفيق للجميع
م / احمد سيد
منسق قسم سكودا

سعيد اني أكون اول واحد يرد علي الموضوع المتميز ده يا بمشهندس
طبعا بشكرك وبحييك
وان شاء الله كل واحد هيقري الموضوع ويستفيد
هيكون في ميزان حسناتك

اقتباس:

---

المشاركة الأصلية كتبت بواسطة muhmado_furp

سعيد اني أكون اول واحد يرد علي الموضوع المتميز ده يا بمشهندس
طبعا بشكرك وبحييك
وان شاء الله كل واحد هيقري الموضوع ويستفيد
هيكون في ميزان حسناتك

---

انا اللى سعيد انى حضرتك شرفة موضوعى و بركاته بردك الجميل
و اتمنى لك التوفيق ان شاء الله

بحييك يابشمهندس على الموضوع المتميز والشرح المفصل :)
بس ليا سؤال:
اعرف منين ان الفلتر ده مسدود او لا فى حاجه هس بيها فى العربيه وهى مشيه تخلينى اعرف انه مسدود ولو نضفته او جبت واحد جديد هحس بفرق فى العربيه ولا لا
اسف للاطاله اعذرنى انا على ادى d:

اقتباس:

---

المشاركة الأصلية كتبت بواسطة engahmedsayed

السلام عليكم

حملة صيانة أعمل عربيتك بنفسك
(تغيير فلتر الهواء)

http://nileup.com/up/uploads/nilemotors_14178678241.jpg

رابعا
نكشف على حالة الفلتر
يعنى لو بالشكل دة يبقى لابد من تغيره

http://nileup.com/up/uploads/nilemotors_14178668541.jpg

و الفلتر الدائرى الخاص بالعربية
بيكون ثمنه من 20 الى 25 جنية

http://nileup.com/up/uploads/nilemotors_14178669231.jpg

او فى حالة انو متوسط الاتساخ او اتساخ بسيط فا يفضل تنظيفه بالهواء عند اقرب محطة بنزين او مكان تغيير زيوت او مغسلة او مركز اصلاح الكاوتش

---

اقتباس:

---

المشاركة الأصلية كتبت بواسطة hannon_2010

بحييك يابشمهندس على الموضوع المتميز والشرح المفصل :)
بس ليا سؤال:
اعرف منين ان الفلتر ده مسدود او لا فى حاجه هس بيها فى العربيه وهى مشيه تخلينى اعرف انه مسدود ولو نضفته او جبت واحد جديد هحس بفرق فى العربيه ولا لا
اسف للاطاله اعذرنى انا على ادى d:

---

الف شكر على الرد الجميل
سيادتك هتعرف منين انى الفلتر واجب التغيير كما موضح بالصورة هتلاقيه لونه اسود و متسخ جداااا فا يجب تغيره
بخصوص الاداء طبعا هيكون فى تحسن فى اداء الموتور لانه بيعتبر جزء مهم جدا للاداء عملية الاحتراق
زى الانسان تمام سيادتك لو الانسان الانف اللى بيتنفس منها مكتومة و مسدودة بيكون فى فقد فى طاقة الانسان لعدم دخول كمية الاوكسجين الجسم
الموتور و الفلتر زى المثال دة بالظبط

و سيادتك موضوع عدم الدراية بقنيات الصيانة الموضوع نازل و مبسط لذوى ضعاف الخبرة و ان شاء الله هتكون محترف
منتظرين تقولنا عاملت اية فى تقرير منفصل
ربك المستعان

اقتباس:

---

المشاركة الأصلية كتبت بواسطة EngAhmedSayed

الف شكر على الرد الجميل
سيادتك هتعرف منين انى الفلتر واجب التغيير كما موضح بالصورة هتلاقيه لونه اسود و متسخ جداااا فا يجب تغيره
بخصوص الاداء طبعا هيكون فى تحسن فى اداء الموتور لانه بيعتبر جزء مهم جدا للاداء عملية الاحتراق
زى الانسان تمام سيادتك لو الانسان الانف اللى بيتنفس منها مكتومة و مسدودة بيكون فى فقد فى طاقة الانسان لعدم دخول كمية الاوكسجين الجسم
الموتور و الفلتر زى المثال دة بالظبط

و سيادتك موضوع عدم الدراية بقنيات الصيانة الموضوع نازل و مبسط لذوى ضعاف الخبرة و ان شاء الله هتكون محترف
منتظرين تقولنا عاملت اية فى تقرير منفصل
ربك المستعان

---

متشكر لزوق حضرتك جدا
انا هنضفه وهقول لحضرتك ايه الاخبار
بس معلش اعذرنى عندى سؤال ممكن ميكونش ليه علاقه بالموضوع انا كنت عاوز اعرف ازاى انضف الكربراتير سمعت ان فى اسبريه بيترش عليه ممكن اعرف من حضرتك اسمه ايه واستعمله ازاى عشان حاسس انه مكتوم والعربيه مبتجبش اكتر من 110
اسف للاطاله ولاسئلتى الكتير
:glasses18:

تسلم اديك يا بحميد على الموضوع

الله ينور يا هندسه جميل

أنا بقي عملت شوية حاجات على سبيل التسلية فى كام يوم كنت فى البيت منها صيانة ومنها ترويش


نيجي للصيانة :-
+++ تم فك الكاربيراتير وغسلة بتنر وعمل تشيك على الجوانات
+++ تغيير فلتر البنزين
+++ تم تنظيف فلتر الهواء وتركيبة
+++ تم فك طقم البوجهات وصنفرته وتركيبة
+++ تم تغيير زرار الباب بتاع السائق لانة كان مكسور
+++ تم المراجعة على الفيش والوصلات واختبار اسلاك البوجيهات وطاقم الكهرباء


نيجي للترويش :-
+++ فكيت الطابلوة وركبت لمبات بيضاء اقوي من الاصلية لاكن للاسف الباغة بتتاعت لوحة العدادات اتشرخت بيسط اضطريت الصق فامية على الباغة علشان المنظر والشكل العام جيد جدا بعد الفامية
+++ تم تركيب شريط سيريا بداخل لوحة العدادت مش باين خالص غير لما ينور ومع الفامية شكلة مش وحش
+++ تم تغيير وش الفانوس الخلفي يمين وشمال لان كان واحد منهم فيه شرخ بسيط فقررت اغير الاتنين علشان ميبقاش الفرق واضح
+++ تم تركيب شريط سيريا لون ازرق فى الفانوس الخلفي فى الجزي الرماضي والشكل ممتاز
+++ تم تغيير لبمات الاشارة للفوانيس الخلفية باللون الازرق ومع شريط السيريا الشكل كويس جدا
+++ تم تركيب أوشاش فوانيس الشبورة الامامية ولصق فامية اخضر على الاوشاش الاضاءةبقت اهدي بس الشكل اجمل كتيييييييير
+++ تم تركيب لمبات ليدات ((( عبارة عن كارتة صغيرة بها حوالي 10 لمبات ))) فى الفوانيس الامامية والشكل كويس جدا جدا
+++ تم تركيب كونسول بين الكراسي الامامية (( للى هيا بتتحرك مع الهاند بريك ))

+++ بلاضافة الى أعمال النضافة ((( فكيت الكراسي برة العربية وفكيت الكسوة وغسلت الكراسي ))) وفكييت موكيت الارضية وتم غسلة وتركيبة مرة أخري ...... وكان نفسي اصور العملية الجراحية دي لان العربية كانت على الصاج وكنت فاكك الفوانيس ورا وقدام والكراسي والموكيت والطابلوة ((( يعني بإختصار العربية كانت على الصاج


أى استفسار انا موجود وان شاء الله اصور شوية الشغل دول فيديو وارفعهم

تقبلو تحياتي

أستاذ احمد ٠٠ انا حاولت افك التابلوه بس معرفتيش علشان عندى عداد السرعة بيعلق و تقريبا الجاك بتاعه عايز يتظبط ٠٠٠٠ فياريت لو تقلى ازاى افكه ٠
أيضا بالنسبة لوش الفانوس الخلفى انا عندى واحد عايز اغيره ٠٠٠فهل جبته اصلى او نوع كويس ولا المصرى

اقتباس:

---

المشاركة الأصلية كتبت بواسطة AYMAN616

أستاذ احمد ٠٠ انا حاولت افك التابلوه بس معرفتيش علشان عندى عداد السرعة بيعلق و تقريبا الجاك بتاعه عايز يتظبط ٠٠٠٠ فياريت لو تقلى ازاى افكه ٠
أيضا بالنسبة لوش الفانوس الخلفى انا عندى واحد عايز اغيره ٠٠٠فهل جبته اصلى او نوع كويس ولا المصرى

---

استاذ ايمن دة موضوع لاستاذنا الكبير وأول من قام بفك الطابلوة مستر منسي وبيشرح الموضوع مدعوم بالصور

http://www.nilemotors.net/Nile/329753-a.html

أما بخصوص وش الفانوس انا مغيرة مرتين قبل وفى المرتين اجيب المصري بس كل مرة من محل غير التاني وبجودة مختلفة وعموما عن الاصلي ميفرقش كتير وبنضف مكان القديم وأركب الجديد .................. متابع

الف شكر على المعلومة

كنت عاوز اعرف عمرة ماتور سكودا فيليشيا او اشترى ماتور استيراد ما هو الافضل ؟؟؟؟ وكم ثمن الماتور ؟؟؟

اخواني الكرام من فضلكم لو تكرمتم ممكن أقرب موزع قطع غيار سكودا فليشيا وتكون قطع أصلية في القاهرة ... ويا ريت يكون قريب من رمسيس . كل الشكر اخواني الكرام .